आपल्याला माहित आहे की विषाणू पसरविण्याचे काम पिकामध्ये वेक्टर्स म्हणजे रोगवाहक करतात. पिकामध्ये अफिडस् २७५ प्रकारचे, पाढरीमाशी ४५ प्रकारचे, थ्रिप्स १० प्रकारचे विषाणू पसरवितात. म्हणून सर्वप्रथम विषाणूंचा प्रसार करणारे किटक यांच्या विरुध्द पिकांमध्ये प्रतिकारशक्ती निर्माण क़रण्यासाठी कॅलोस सिन्थेसिसची क्रिया जागृत करणे गरजेचे असते. त्यासाठी पिकाला कॅल्शियमची ग़रज असते. कॅल्शियमच्या फवारणीने पिकातील कॅलोस सिन्थेसिसची क्रिया २१ दिवसांकरीता कार्यरत होते म्हणजे पिकातील पेशींच्या पेशीभित्तीकेच्या आत एक कणखर आवरण तयार होते. ज्यामुळे पिकांची किड व रोग प्रतिकारशक्ती वाढते.
पिकांमध्ये रोग प्रतिकारशक्ती वाढविण्याचे काम सॅलिसिलीक ॲसिड करत असते.पण हे सॅलिसिलीक ॲसिड पानात मिथाईलसोबत बंधनात असते. या सॅलिसिलीक ॲसिडचा मिथाईलसोबतचा बंध तोडल्यानंतर पानात कॅल्शियम मुक्त होऊन त्याचा मार्ग तयार होतो. त्यामुळे कॅलोस सिन्थेसिसची क्रिया जागृत होते. त्यानंतर पानामध्ये सॅलिसिलीक ॲसिडचे प्रमाण वाढते, जे NPR1 जीन्स ६० * ६० पटीने तयार करतात. ते NPR1 जीन्स विषाणूजन्य रोगांपासून पिकाचा बचाव करतात, पिकामध्ये विषाणूंची नक्कल होऊ देत नाही व नवीन निघणारी फूट जोमात निघते.
